KIDNEY KO PURI TARAH FAIL KAR SAKTI HAI APKI YE ADATEIN

KIDNEY KO PURI TARAH FAIL KAR SAKTI HAI APKI YE ADATEIN:

Kidney humare sharir ka ek bohot he khas ang hota hai. Kidney ka karye humare sharir se vishale pardartho ko bahar nikalne ka hota hai. Lekin humari jaane anjane mein ki gayi galtiyaa kidney ko kaafi nukshaan pohochati hai. Jiske chalte kidney kharaab hone ka khatra bana rahta hai. Chaliye jante hai ki vo konsi aisi adate hai jo kidney ko nuksaan pohocha sakti hai.kidney failure

ADHIK NAMAK KA SEVAN

Namak sharir ke liye bohot upyogi hota hai. Isse sharir ke sabhi ang thik se kaam krte hai. Lekin kuch log bohot adhik matra mein namak ka sevan karte hai. Jisse blood pressure badh jata hai our uska sidha sidha asr humari kidney pr padta hai. hume rooj 5 gram se adhik namak ka sevan nhi krna chahiye.

BHARPUR PAANI NA PINA

Kidney humare khoon ko saaf krti hai our sharir ki saari gandgi ko bahar nikaal deti hai. Bharpur matra mein paani na pine se ye gandgi sharir se bahr nhi nikal paati hai our kidney ko nuksaan pohochati hai.

PESHAAB KO ROKKAR RAKHNA

Adhiktr dekha jata hai ki jab log bahar jaate hai to public toilet istemaal nhi krte hai. Our peshaab ko rok kr rakhte hai. Isse kidney pr dabaab padhta hai. Joki kidney ke kharaab hone ka sabse bada karn hota hai.

BHARPUR NIND NA LENA

Bharpur nind humari sehat ke liye bohot labhkaari hoti hai. Sote samye humara sharir damage cells ko repair krta hai. Kidney ko sawasth rakhne ke liye jaruri hai ki bharpur nind li jaye.

ADHIK SHARAAB KA SEVAN

Bohot samye baad 1-2 glass sharaab ya beer lene mein koi nuksaan nhi hai. Lekin kuch log rooj bohot adhik matra mein sharaab ka sevan krte hai. joki kidney our liver dono ko he damage krti hai.

PAINKILLER DAVAIO KA ADHIK SEVAN

Aajkal dekha jata hai ki log chote se chote dard mein bhi painkiller medicines ka peryog krte hai. Lekin vo is baat se anjaan hote hai ki painkiller medicines kidney ko bohot adhik nuksaan pohochati hai.

PROTEIN ADHIK MATRA MEIN LENA

Adhik matra mein protein lena ya fir red meat ka adhik sevan krne se kidney pr dabaab padhta hai. Jiska matlab ye hua ki ab kidney ko kaam krne ke liye adhik jor lagana padega. Joki kidney ke samye se pahle kharaab hone ka sanket hai.

COFFEE KI ADAT

Namak ki tarah coffee bhi blood pressure ko badhati hai. jisse kidney pr dabaab padhta hai. Our kidney ke kharaab hone ka khatra ban jata hai.

 

 

Leave a Reply

Your email address will not be published. Required fields are marked *

error: Content is protected !!