Value of “TIME” ? live in the moment a short story

Time ki value kya hai ?

Ye hume tabhi samjh mein ata hai jab time ja chuka hota hai. Life mein mahant karna bohot he jaruri hai lekin mahant ke sath-sath life ko enjoy bhi krna chahiye. Time ki value ko smjhane ke liye ek choti c kahani hai jo is tarah hai.

Ek gilhari(Squirrel) rooj apne kaam per time se ati thi or apna sara kaam puri mahanat or lagan se krti thi. Vo bohot he imaandaar thi. gilhari jarurat se jada kaam krke bhi khush thi kyuki uske malik sher ne joki jungle ka raja tha use kaam ke badle 10 bori akhrot ki dene ka wada kia tha. gilhari bohot jada kaam krti thi itna kaam krte karte vo thak jaati thi or araam krne ki sochti thi. Lekin jaise he vo araam krne lgti thi use yaad ajata tha ki agr vo kaam kregi to use 10 bori akhrot ki milegi. Ye sab soch kr vo firse kaam krne lg jaati thi.

Dusri taraf uske saare dost khelte kudte the or sabhi mil julkr life ko bohot ache se ji rahe the. Unhe sath khelte or khush dekhkr gilhari ka bhi mann krta tha ki vo bhi unke sath khele lekin use fir akhrot yaad ajate the or vo kaam pr chali jati thi. Sher ne usse bola ki agar vo or kaam kregi to sher usko 10 bori or akhrot ki dega gilhari ke mann mein 10 or bori ka naam sunkr lalach agya or usne or kaam krne ke liye haan krdi. Vo bohot khush thi ki ab use 10 nhi balki 20 bori akhrot ki milne vaali thi.

Sher ne uska kaam bada dia ab vo usko dusre shero ke pass bhi kaam krne ke liye bhejne lga. Aisa nhi tha ki sher usse akhrot nhi dena chahta tha sher bhi bohot imaandaar the. Gilhari bichari pahle he bohot thak jaati thi usme itni himat he nhi bachti thi ki vo or kaam kr sake lekin akhrot ka lalach use vo kaam bhi kara he deta tha.

Aise he bohot saal gujar gaye or ab vo time agya tha jb gilhari ko uske akhrot milne vaale the. Sher ne usko 20 bori akhrot ki di or usko uske kaam se ajaad kr dia. Vo akhrot ko badi mushkil se ghar lekr gyi kyuki gilhari budhi ho chuki thi uske saare dant tut chuke the, na ab vo pahle ki tarah chusti se chal paati thi or na he use thik se dikhai deta tha.

Gilhari akhroto ke pass bethi hoi sochti rahi ki ab ye mere kis kaamke ? saari zindagi  in akhroto ke liye kaam krke apne dant he ghisva lie lekin ab inko khaungi kaise ?

Ye kahani aaj ki sachayi ban chuki hai. Insaan apna saara jivan apni khushio or ichao ka tyaag krke naukari karne mein laga deta hai or jab vo 60 saal ki umar mein retire hota hai to usko uska fund milta hai Abtak vo apni adhi se jada zindagi ji chuka hota hai. Or generation bhi badal chuki hoti hai.

kya nayi generation ye jaan payegi ki ye fund paane ke liye kitni khushio or ichao ka tyaag kia hai ? kitni taklife sahi hongi ? kitne sapne rahe honge ?

Kya fayda aise fund ka jisko kamne mein puri zindagi lagadi or usko aap khud istemaal na kr sako ? Sansaar mein aisa koi bhi amir insaan nhi hai jo beete hue waqt ko kharid sake.

BUSY raho pr BE-EASY bhi raho

LIVE IN THE MOMENT

KEEP SMILLING

Leave a Reply

Your email address will not be published. Required fields are marked *

error: Content is protected !!